જેને તું ગણાવે છે ઇબાદતથી વધારે
શક છે મને એ કંઈ નથી એક લતથી વધારે
સહસા જે કરે રાઈને પર્વતથી વધારે
ચુપ કેમ છે આજે એ જરૂરતથી વધારે?
જે પ્રશ્ન સરળતાથી ઉકેલાઈ ગયો હોત
ગુંચવાયો છે એ તારી કરામતથી વધારે
કિસ્મત કને આથી વધુ શું માગવું બોલો?
છું આપની નજદીક હું નિસ્બતથી વધારે
સંબંધનો આધાર છે વિશ્વાસ પરસ્પર
પાયો ચણો મજબૂત ઇમારતથી વધારે
– હેમંત પુણેકર
છંદોવિધાનઃ- ગા ગાલલગા ગાલલગા ગાલલગા ગા
હેમકાવ્યો 
Saras, maja ave che yaar avu badhu vanchvama…
વાહ… કવિ … બધા જ શેર મજબૂત થયા છે… ફરી ફરી વાંચવી ગમે એવી ગઝલ…
Saada che Shabda pan Artha che Gahan
Kamaal Che “Hemant” taara lakhan ma wadhare
saadyant sundar gazal bani chhe Hemantbhai… I totally agree with Vivekbhai !
abhinandan ! 🙂
જેને તું ગણાવે છે ઇબાદતથી વધારે
શક છે મને એ કંઈ નથી એક લતથી વધારે
વાહ..સરસ મત્લા. સુંદર ગઝલ.
જે પ્રશ્ન સરળતાથી ઉકેલાઈ ગયો હોત
ગુંચવાયો છે એ તારી કરામતથી વધારે
સરસ! 🙂
વાહ સરસ ગઝલ થઈ મસ્ત મસ્ત…મક્તા ખૂબ ગમી ગયાં
સપના
સંબંધનો આધાર છે વિશ્વાસ પરસ્પર,
પાયો ચણો મજબૂત ઇમારતથી વધારે.
enjoyed ..nice gazal
વાહ વા, દરેક શેર દાદ માંગી લે એવો છે….