અડવા પણ નથી દેતી

નજીક આવે છે એ મારી ને અડવા પણ નથી દેતી
મને છંછેડીને પાછી ઝગડવા પણ નથી દેતી

કરી વાતો જુદાઈની મને રડમસ કરી મૂકશે
પછી ગમ્મત કરી કહે છે ને રડવા પણ નથી દેતી

હું એની છેડતી કરનાર પર ગુસ્સો કરું ત્યારે
એ ઝાલી બાવડું રોકે છે લડવા પણ નથી દેતી

જુદાઈની પળે જળ આંખના ખૂણે તો બાઝે છે
પણ એ આંસુ નયનમાંથી દદડવા પણ નથી દેતી

ધરી ધીરજ ઘણી તો પણ મને એ મારી ધીરજના
ફળો મીઠા નથી દેતી ને કડવા પણ નથી દેતી

કહે છે મિત્ર છો મારા તમે સૌથી કરીબી પણ
નથી એ પ્રેમમાં પડતી ને પડવા પણ નથી દેતી

– હેમંત

Advertisements
This entry was posted in ગઝલ. Bookmark the permalink.

30 Responses to અડવા પણ નથી દેતી

  1. Valentine’s day વીત્યાને લગભગ ૧૫-૧૬ દિવસ થઈ ગયા છે. એ પ્રસંગને છાજે એવી એક ગઝલ છે “અડવા પણ નથી દેતી”. આ ગઝલનો વિષય કૉલેજ કાળમાં જોયેલી/અનુભવેલી સંવેદનાઓ પર આધારિત છે. મેં ઘણી એવી જોડીઓ જોઈ છે જેઓ “just friends” હોવાનો દાવો તો કરે છે પણ તેઓ એનાથી વધુ હોય છે. ભલે એમ કહેવાતું હોય કે છોકરીઓ emotional હોય છે પણ આવા કિસ્સાઓમાં મેં છોકરાઓ વધારે emotional તો છોકરીઓ વધારે practical હોવાનું નોંધ્યું છે. ગઝલ અડવા પણ નથી દેતી આવા સંબંધમાં અટવાયેલા એક છોકરાની વ્યથાનું/દશાનું વર્ણન કરે છે.

    વ્યાકરણ-રસિક મિત્રો માટેઃ લગાગાગા ના ચાર આવર્તનો વાળો હજઝ છંદ વાપર્યો છે.

  2. Rachit કહે છે:

    Although I liked all the lines but especially the following one for some reason:

    ધરી ધીરજ ઘણી તો પણ મને એ મારી ધીરજના
    ફળો મીઠા નથી દેતી ને કડવા પણ નથી દેતી

  3. Chetan Chandulal Framewala કહે છે:

    કરી વાતો જુદાઈની મને રડમસ કરી મૂકશે
    પછી ગમ્મત કરી કહે છે ને રડવા પણ નથી દેતી

    કહે છે મિત્ર છો મારા તમે સૌથી કરીબી પણ
    નથી એ પ્રેમમાં પડતી ને પડવા પણ નથી દેતી

    આ બે શેર બહુ ગમ્યા
    જય ગુર્જરી,
    ચેતન ફ્રેમવાલા

  4. chetu કહે છે:

    prem ma padati anthi ne padva pan nathi deti.. khub saras..!

  5. ઊર્મિ કહે છે:

    નથી એ પ્રેમમાં પડતી ને પડવા પણ નથી દેતી… 🙂

    વાહ હેમંત, હળવા મિજાજની ગઝલ માણવાની મજા આવી ગઈ…

  6. ધવલ કહે છે:

    🙂 🙂 🙂

    વર્ષો સુધી ગુજરાતી કવિતામાં કોઈએ આ ‘વિશિષ્ટ’ પ્રકારના પ્રેમની વાત કરવાની હિંમત કરી નહોતી… પહેલી વાત તમે કરી ! …

    તમારી વાત ખરી છે. મારે તો (સદનસીબે!) આવો વારો નહોતો આવ્યો પણ કેટલાક મિત્રોને આ ‘પરિસ્થિતિ’માંથી પસાર થતા ચોક્કસ જોયા છે. અમે આવા પ્રેમને ‘દોરી વગર પતંગ ચગાવવો’ કહેતા … છતાં ય હતોત્સાહ થયા વિના આ મિત્રો ‘સરતીના પેચ’ લીધે જ રાખતા ! એ જમાનામાં આ ગઝલ મળી હોત તો મારે એકથી વધુ વ્યક્તિઓને સંભળાવવાની થાત 🙂

  7. dipti patel 'shama' કહે છે:

    vah Hemantbhai, maja padi gai, especially i liked the following shers:

    જુદાઈની પળે જળ આંખના ખૂણે તો બાઝે છે
    પણ એ આંસુ નયનમાંથી દદડવા પણ નથી દેતી

    કહે છે મિત્ર છો મારા તમે સૌથી કરીબી પણ
    નથી એ પ્રેમમાં પડતી ને પડવા પણ નથી દેતી.

  8. lata hirani કહે છે:

    હેમંતભાઇ, એકીસાથે કરુણ અને કફોડી હાલતની આ ગઝલ છે…
    નક્કી નથી થઇ શકતું કે આમાં શું છે ?
    ‘રામબાણ વાગ્યા હોય તે જાણે.. ‘ કે
    ’ જે પીડ પરાઇ જાણે રે…’
    જવા દો, આ તો અંગત વાત થઇ…
    આવી સરસ ગઝલ લખવા બદલ અભિનંદન..
    Lata Hirani

  9. કહે છે મિત્ર છો મારા તમે સૌથી કરીબી પણ
    નથી એ પ્રેમમાં પડતી ને પડવા પણ નથી દેતી

    true one !! during our college time and young age.

  10. Sangita કહે છે:

    અરે વાહ! મઝા આવી ગઇ.

  11. Himanshu કહે છે:

    Hemant

    The last sher is fantastic:

    કહે છે મિત્ર છો મારા તમે સૌથી કરીબી પણ
    નથી એ પ્રેમમાં પડતી ને પડવા પણ નથી દેતી

    This ghazal shows a different genre from what you normally write. Keep it up.

  12. Kalpesh કહે છે:

    આ ગઝલ તો એકદમ ઝકાસ છે.
    જાત અનુભવ થયો લાગે એવી ચોટદાર છે.

  13. Rajendra Trivedi, M.D. કહે છે:

    જુદાઈની પળે જળ આંખના ખૂણે તો બાઝે છે

    પણ એ આંસુ નયનમાંથી દદડવા પણ નથી દેતી…

    IT IS HARD TO LET YOU GO!

  14. સુનીલ શાહ કહે છે:

    જુદાઈની પળે જળ આંખના ખૂણે તો બાઝે છે
    પણ એ આંસુ નયનમાંથી દદડવા પણ નથી દેતી
    બહુત અચ્છે..હેમંતભાઈ.

  15. Pinki કહે છે:

    કહે છે મિત્ર છો મારા તમે સૌથી કરીબી પણ
    નથી એ પ્રેમમાં પડતી ને પડવા પણ નથી દેતી

    navo ‘vishayvastu’ …….!!
    enjoyed looot…….!!

  16. Bhavin Gohil કહે છે:

    કહે છે મિત્ર છો મારા તમે સૌથી કરીબી પણ
    નથી એ પ્રેમમાં પડતી ને પડવા પણ નથી દેતી
    ——————

    લગભગ દરેક યુવાનો ના કોલેજ કાળ દરમિયાન આવા અનુભવ થાય છે.
    —– ધવલભાઈ જેવા મહાનુભાવો ને બાકાત કરીને.. :))

    મનોવ્યથાનું ખૂબ જ સુંદર નિરૂપણ ! અને

    આભાર !!!! નવા જ પ્રકારની ગઝલ પીરસવા બદલ…

  17. j4jules કહે છે:

    નથી એ પ્રેમમાં પડતી ને પડવા પણ નથી દેતી

    thts fantastic feeling….

  18. વિવેક ટેલર કહે છે:

    સત્તર વ્યક્તિઓના એકધારા વાહ-વાહીના પ્રતિભાવ વાંચ્યા બાદ શું લખવું એ સમજાતું નથી… મને એમ લાગે છે દોસ્ત ! કે તમે ગઝલ અને હઝલની વચ્ચે અટવાયા છો…. હળવું સારું લખી શકવાની હથોટી આ ગઝલમાં ભરપૂર વર્તાય છે પણ આ ગઝલમાં એટલી હળવાશ પણ નથી કે એને હઝલ ગણી શકાય તો સામા પક્ષે એટલી સંજિદગી પણ નથી દેખાતી કે એને ગઝલ ગણી શકાય…

    ધવલે એના ‘કેટલાક’ મિત્રોને આ પરિસ્થિતિમાંથી પસાર થતા જોયા છે એ વંચ્યા પછી મારે ફ્લેશ-બેકમાં જવું પડશે…. !!! :-):-):-):-)

  19. મારે પણ ફ્લેશબેકમાં જવું પડશે 😛

  20. raeesh maniar કહે છે:

    સરસ કવિતા છે. ગઝ્લના તમામ માપદન્ડો પર ખરી ઉતરે છે. ગઝલ અને હઝલની વચ્ચેની સરહદ પર રહીને લખવુ એ મોટી કસોટી છે. બહુ ચીપ થયા વગર હળવું લખવું ખૂબ મુશ્કેલ છે.
    આટલા લોકોના હ્રદયને સ્પર્શી એ જ આ ગઝલની મોટી સફળ્તા છે.

  21. Devika Dhruva કહે છે:

    સાદી ,સીધી ભાષામાં, સાવ સાચી વાત ,આટલી સરળ રીતે તો તમે જ કહી શકો..!!!!! મજા અવી ગઇ..

  22. Milind કહે છે:

    મને છંછેડીને પાછી ઝગડવા પણ નથી દેતી

    kya baat hai !

  23. અનામિક કહે છે:

    sundar……..

  24. devendra soni કહે છે:

    જુદાઈની પળે જળ આંખના ખૂણે તો બાઝે છે
    પણ એ આંસુ નયનમાંથી દદડવા પણ નથી દેતી

    excellent hemant bhai,
    aa to thoda ma ghanubadhu aavighayu.
    tame mane kahesho ? aankh ma thi tapkya vaghar na pani ni vyakhya shu hoi shake?
    !!

    !!!

    !!!

    !!!
    !!!!
    !!!
    !!!

    aswer:” LAGHNI “

  25. sujit કહે છે:

    va va
    sudar
    good nice very very nice
    thank you

  26. sujit કહે છે:

    hemat
    my friend hemat hu surat no chu
    hal ma surat BCA karu chu
    hematbhai tame mne pratibhav appiyo te badl thank you
    hematbhai tamari sathe vat karviche to tamaro numbear mara e mail par mokli apva vinti

  27. Prajakta Shastri કહે છે:

    નજીક આવે છે એ મારી ને અડવા પણ નથી દેતી
    મને છંછેડીને પાછી ઝગડવા પણ નથી દેતી

    કરી વાતો જુદાઈની મને રડમસ કરી મૂકશે
    પછી ગમ્મત કરી કહે છે ને રડવા પણ નથી દેતી

    – સહજ ભાવનાઓ નુ સુંદર શાબ્દીક નિરુપણ…..

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s