ભાસ ચાલે છે…

ભાસ ચાલે છે, રાસ ચાલે છે
કંઈક અજબ આસપાસ ચાલે છે

કાળના ગર્ભમાં આ ઘટનાઓ
ક્યાંથી પહોંચી, તપાસ ચાલે છે

જાત બાળુ છું જાતને જોવા
અંદર એનો ઉજાસ ચાલે છે

ક્યાં પકડમાં એ પાંચ આવે છે
એ જ અજ્ઞાતવાસ ચાલે છે

થોડો મેલો તો હું થવાનો છું
જ્યાં સુધી આ લિબાસ ચાલે છે

શૂન્યમાંથી બન્યો છું હું હેમંત
શૂન્ય બનવા પ્રયાસ ચાલે છે

– હેમંત

Advertisements
This entry was posted in ગઝલ. Bookmark the permalink.

33 Responses to ભાસ ચાલે છે…

  1. hemantpunekar કહે છે:

    જૂના મંદિરોની રચનામાં એક ગર્ભગૃહ હોય છે. એમાં નીચે ઉતરવાના પગથીયા હોય છે. મોટેભાગે બારી જેવું કંઈ હોતું નથી. આવા અંધારામાં તમને પૂજારી લઈ જાય છે. તમારા હાથમાં કપૂર છે જેને પૂજારી એની પાસેના દીપથી સળગાવે છે અને એ પ્રકાશમાં તમે ઈશ્વરનું દર્શન કરી શકો છો.

    આ આખી ક્રિયા પ્રતીકાત્મક છે. મંદિરનું ગર્ભગૃહ એ માણસનું મન છે. ગુરુ (પૂજારી) તમારો હાથ પકડીને મનની અંધારી ઓરડીમાં લઈ જાય છે. પગથીયા ઉતરવા એટલે મનમાં ઊંડા ઉતરવું. ઊંડે ઉતરીને ગુરુ એની પાસેના જ્ઞાનરૂપી અગ્નીથી તમારી કપૂર જેવી વાસનાઓનું દહન કરે છે. અને જ્યારે એ વાસનાઓ સળગવા માંડે ત્યારે એ જ્ઞાનરૂપી પ્રકાશમાં માણસને ઈશ્વરનું દર્શન થાય છે.

    આ વાસનાઓ આપણા અસ્તિત્વનો જ એક ભાગ છે, એ સળગે તો એના પ્રકાશમાં મનમાં ઊંડે ઘણું બધુ જોઈ શકાય. આ વાત પરથી એક શેર લખ્યો અને લખાઈ આ ગઝલઃ ભાસ ચાલે છે…

    છંદ રસિકો માટેઃ ગાલગા ગાલગાલ ગાગાગા(ગાલલગા) ષટકલ ૧૭ વિષમ છંદ વાપર્યો છે.

  2. Sangita કહે છે:

    Very nice!

    These are my favorite three shers here:
    જાત બાળુ છું જાતને જોવા
    અંદર એનો જ ઉજાસ ચાલે છે

    ક્યાં પકડમાં એ પાંચ આવે છે
    એ જ અજ્ઞાતવાસ ચાલે છે

    શૂન્યમાંથી બન્યો છું હું હેમંત
    શૂન્ય બનવા પ્રયાસ ચાલે છે

  3. manoj કહે છે:

    વાહ બહુ સુન્દર રચના કરી

    થોડો ભક્તિ રસ ઉમેરો તો
    કદાચ વધુ સરલ અને મધુરુ
    બને એવુ નથી લાગતુ?

  4. ઊર્મિસાગર કહે છે:

    સ-રસ ગઝલ થઈ છે…. અને તેં પ્રસ્તાવના પણ સરસ આપી છે.

    થોડો મેલો તો હું થવાનો છું
    જ્યાં સુધી આ લિબાસ ચાલે છે

    બધા જ શેર સુંદર થયા છે પણ આ વધુ ગમ્યો…

    “કંઈક અજબ આસપાસ ચાલે છે” માં માન્ય છૂટ લીધી હોવા છતાં જાણે ગાતા (બહુ નહીં પણ) જરાક ખૂંચે છે એવું લાગ્યું… ? (જો કે, બની શકે કે બીજીવાર જો ફરી મુલાકાત લઉં તો મને એ કદાચ ન પણ ખૂંચે… 🙂 )

    સરખા છંદવાળી હિન્દી ગઝલ-ગીતો “તુમકો દેખા તો યે ખયાલ આયા…” અને “યે મુલાકાત ઈક બહાના હૈ” ના રાગમાં આને ગણગણવાની મજા આવી.

  5. સુરેશ જાની કહે છે:

    સરસ રચના . પાછળનો ભાવ તો અતી ઉત્તમ છે જ.
    પણ…
    મંદીરમાં જતાં કેટલાં આ ભાવ સમજે છે? અને કોણ સમજાવે છે?

    પુજારીને દક્ષીણાની પડી હોય છે અને પુજકને ભેટ ધરી પાપમુક્ત થવાની કે દુન્યવી સુખો પ્રાપ્ત કરવાની ખેવના.

    આવા ઉચ્ચ ભાવનું કેવળ વ્યાપારીકરણ.

  6. Rajiv કહે છે:

    khub j sundar rachana chhe, Hemant…!
    Keep it up…!

  7. Jugalkishor કહે છે:

    સરસ, ગંભીર રચના. મને તો પ્રસ્તાવના પણ બહુ ગમી.
    અઘરો છંદ લઈને તમે અઘરી વાત પણ સરળતા-સહજતાથી પ્રગટાવી છે.

  8. સુનીલ શાહ કહે છે:

    ભાઈ વાહ..! સુંદર ગઝલ. જીવનની વાસ્તવીકતાઓ, મનની મથામણોને શશક્ત શબ્દોમાં વ્યક્ત કરી છે. ગમ્યું. શેર નં. ૩, ૫ વધુ ગમ્યા દોસ્ત..!

  9. Rajendra Trivedi, M.D. કહે છે:

    સરસ રચના .
    ભાવ અતી ઉત્તમ છે.
    TRUE SELF EXAMINATION.
    શૂન્યમાંથી બન્યો છું હું હેમંત
    શૂન્ય બનવા પ્રયાસ ચાલે છે

  10. raju piparava કહે છે:

    Hemantbhai, very nice to read your ghazal.
    very nice grammetical uses as well as very good.

  11. Vipul કહે છે:

    Hi Hemant, Vipul here.. Hope you remember me.. I am not very much fond of Gazals but you have created interested … Great

  12. hitesh કહે છે:

    hello, its excellent , wordings r really touching …
    keep it up…

  13. naraj કહે છે:

    ક્યાં પકડમાં એ પાંચ આવે છે
    એ જ અજ્ઞાતવાસ ચાલે છે

    hematbhai badha………j sher sundar chhe pan aa mane bhavi gayo………matalab ke aarpar utari gayao……….e pancheyidriy halabali gai………matalba akhe akho adami halbali gayo…ane halbali jay adami aej gazal ghayal sahebana andaj ma keep it up and up

  14. Chetan Framewala કહે છે:

    બહુજ પ્રભાવી ગઝલ,

    જવાહર બક્ષી ની આજ રદીફ કાફીયા વાળી ગઝલ યાદ આવી ગઈ……

    જય ગુર્જરી,
    ચેતન ફ્રેમવાલા

  15. nilam doshi કહે છે:

    શૂન્યમાંથી બન્યો છું…..

    શૂન્ય બનવા પ્રયાસ ચાલે છે.

    ખૂબ સુન્દર..અભિનન્દન્

  16. થોડો મેલો તો હું થવાનો છું
    જ્યાં સુધી આ લિબાસ ચાલે છે

    શૂન્યમાંથી બન્યો છું હું હેમંત
    શૂન્ય બનવા પ્રયાસ ચાલે છે

    ખુબજ સુંદર અશઆર… !!
    ——

    કાળના ગર્ભમાં આ ઘટનાઓ
    ક્યાંથી પહોંચી, તપાસ ચાલે છે

    પણ શું માનવી એ સત્યને પામી શકે ?
    આપણે પણ સરકારી ખાતાંની જેમજ કહેવાનું “તપાસ ચાલે છે !!!”

    ———–

    સુંદર ગઝલ…

  17. vijayshah કહે છે:

    શૂન્યમાંથી બન્યો છું હું હેમંત

    શૂન્ય બનવા પ્રયાસ ચાલે છે.

    ખૂબ સુન્દર..અભિનન્દન્

  18. latahirani કહે છે:

    jat balu chhu jatne jova
    andar eno j ujas chale chhe…

    saras…

  19. Deepak Doshi કહે છે:

    Heant, You have done a good job, But be were, Jawahar Baxi’s Gazal, Hun shtir chhun, Mara man raas chale chhe.

  20. KAVI કહે છે:

    Realy a very good Gazal Hemant……..
    કાળના ગર્ભમાં આ ઘટનાઓ
    ક્યાંથી પહોંચી, તપાસ ચાલે છે
    it gives a nice feeling while i read meaningful speritul Gazal
    all SHERs r very good.

  21. વિવેક ટેલર કહે છે:

    પ્રિય હેમંતભાઈ,

    આખી ગઝલ વારંવાર વાંચી… જેટલીવાર વાંચી, વધુ ગમી.

    કાળના ગર્ભમાં આ ઘટનાઓ
    ક્યાંથી પહોંચી, તપાસ ચાલે છે

    થોડો મેલો તો હું થવાનો છું
    જ્યાં સુધી આ લિબાસ ચાલે છે

    શૂન્યમાંથી બન્યો છું હું હેમંત
    શૂન્ય બનવા પ્રયાસ ચાલે છે

    – આ ત્રણ શેર કાબિલેદાદ થયા છે..

    ખૂબ ખૂબ અભિનંદન…

  22. sonali કહે છે:

    again best one from u.Explaination is also very beautiful.complicated thought in simple words.Very Beautiful.

  23. પંચમ શુક્લ કહે છે:

    ગઝલનો મિજાજ અને છંદ બન્ને ગમ્યાં.ગઝલનો મિજાજ અને છંદ બન્ને ગમ્યાં.

  24. nilamhdoshi કહે છે:

    કાળના ગર્ભમાં આ ઘટનાઓ
    કયાંથી પહોંચી તપાસ ચાલે છે.

    ખૂબ સરસ..અભિનન્દન..

  25. Pinki કહે છે:

    કાળના ગર્ભમાં આ ઘટનાઓ
    ક્યાંથી પહોંચી, તપાસ ચાલે છે
    અને ઉત્તર પણ સરસ….

    શૂન્યમાંથી બન્યો છું હું હેમંત
    શૂન્ય બનવા પ્રયાસ ચાલે છે

    પંચેન્દ્રિયના અજ્ઞાતવાસની વાત પણ
    ખૂબ જ સરસ અંદાજમાં …..

    જાત બાળુ છું જાતને જોવા
    અંદર એનો ઉજાસ ચાલે છે

    અંતરનો આ ઉજાસ તો બહુત ખૂબ……!!

    ખૂબ જ સરળ અને સહજ શબ્દોમાં
    ખૂબ જ ગૂઢ વાતો …. !!!

  26. lata hirani કહે છે:

    જાત બાળુ છું જાતને જોવા
    અંદર એનો ઉજાસ ચાલે છે

    liked this very much.. congrets..

  27. વિવેક ટેલર કહે છે:

    આજે આ ગઝલ ફરીથી વાંચી…. પહેલી વાર જે ત્રણ શેર સ્પર્શી ગયા હતાં એનાથી ય અદકેરો વહાલો તો આ શેર લાગ્યો…

    ક્યાં પકડમાં એ પાંચ આવે છે
    એ જ અજ્ઞાતવાસ ચાલે છે

    – કેવી ઊંડી વાત ! આ શેર તો આખી ગઝલનો શિરમોર શેર છે…

  28. Gunjan Gandhi કહે છે:

    થોડો મેલો તો હું થવાનો છું
    જ્યાં સુધી આ લિબાસ ચાલે છે

    Bahot Achchhe…

  29. devendra soni કહે છે:

    જાત બાળુ છું જાતને જોવા
    અંદર એનો ઉજાસ ચાલે છે

    શૂન્યમાંથી બન્યો છું હું હેમંત
    શૂન્ય બનવા પ્રયાસ ચાલે છે

    HEMANT BHAI,
    eak j vaat kahi shakay,
    excellent !!!!
    regards//devendra

  30. Abhijeet Pandya કહે છે:

    ભાસ ચાલે છે, રાસ ચાલે છે
    કંઈક અજબ આસપાસ ચાલે છે

    ઉપરોક્ત શેરમાં બીજી પંક્તિમાં છંદ તુટે છે તેથી સુધારો કરવા વિંનંતિ.

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s