રાત ઉજવાઈ ગઈ

દર્દમાં જળની પણ રાહ ફંટાઈ ગઈ
મન સળગતું રહ્યું, આંખ ભીંજાઈ ગઈ

છાતીમાં ડાબે પથ્થર જડ્યા જોઈને
ઈંટની આ દિવાલોય ડઘવાઈ ગઈ

પત્ની વહુ માના પાત્રોમાં પીસાઈને
એક સ્ત્રીની હયાતી જ ખરડાઈ ગઈ

વાત એની હતી મારી વાતોમાં પણ
એ મળી, કે તરત વાત બદલાઈ ગઈ

એ મળી સ્વપ્નમાં બસ ઘડીભર અને
ઉત્સવી ઠાઠમાં રાત ઉજવાઈ ગઈ

– હેમંત

Advertisements
This entry was posted in ગઝલ. Bookmark the permalink.

18 Responses to રાત ઉજવાઈ ગઈ

  1. hemantpunekar કહે છે:

    ક્યારેક રડતો હોઉં કે કોઈને રડતા જોઉં ત્યારે એમ લાગતું કે ભગવાને શરીરના water supply management માં લોચો મારી દીધો છે. હૃદયમાં દાહ હોય છે અને અશ્રુ આંખમાં આવે છે! આ વાતને એક શેરમાં મુકી અને પછી લખાઈ આ ગઝલઃ રાત ઉજવાઈ ગઈ

    (છંદ રસિકો માટે) ગાલગા ના આવર્તનોમાં ક્યારેય ગઝલ નહીં લખી શકું એવો વિશ્વાસ હતો. પણ રઈશભાઈ મનીઆર ના પુસ્તક “ગઝલઃ રૂપ અને રંગ”માં આપેલી લઘુ-ગુરુની છૂટછાટોના નિયમ વ્યવસ્થીત રીતે સમજી લીધા પછી આ ગઝલ લખી શક્યો. For all gazal-lovers, its a must read!

  2. Jugalkishor કહે છે:

    લોચા મારવામાં ભગવાનનો જોટો જડવો મુશ્કેલ છે !
    એ ક્યારે, ક્યાં, કઈ રીતે, કોને, કોની સાથે ઠઠાડી દે તે કહેવાય નહીં !

    પણ અહીં તો એણે જ, હા એણે જ, તમને ગઝલના પ્રયોગોમાં ફીટ કરી દીધા છે. જોજો, એ જ હવે પછી હીટ પણ કરી દેશે; તમે હીટ થવા તરફ જઈ રહ્યા છો, ગઝલવીર ! શુભેચ્છા આગોતરી પાઠવી દઉં છું.

  3. વિવેક કહે છે:

    વાત એની હતી મારી વાતોમાં પણ
    એ મળી, કે તરત વાત બદલાઈ ગઈ

    -ખૂબસૂરત શેર

  4. naraj કહે છે:

    exellent……hemantbhai keep it up

  5. SV કહે છે:

    વાત એની હતી મારી વાતોમાં પણ
    એ મળી, કે તરત વાત બદલાઈ ગઈ

    સુંદર … well written.

  6. રાજીવ કહે છે:

    હેમંત,

    પત્ની વહુ માના પાત્રોમાં પીસાઈને
    એક સ્ત્રીની હયાતી જ ખરડાઈ ગઈ

    આ હકીકત તો કોઈ સ્ત્રીનેજ પુછવી રહી…!
    મને લાગે છે ત્યાં સુધી સ્ત્રીના અસ્તિત્વ માટે આ બધા પાત્રો અનિવાર્ય છે અને તેજ તેની મહાનતાના પુરક છે…
    તેના થકી ક્યારેય કોઈ સ્ત્રીની હયાતી ખરડાય નહી.

    – રાજીવ

  7. સુરેશ જાની કહે છે:

    સરસ રચના.
    હેમંતની વાતમાં તથ્ય છે. સ્ત્રીને માતા અને પત્નીનું પદ આપીને સર્જકે તેની ઘણી સ્વતંત્રતા છીનવી લીધી છે.
    પણ તેને નીયતી તરીકે સ્વીકારવું જ રહ્યું.
    પુરુષ તે વાસ્તવીકતાનો ગેરલાભ ઉઠાવતો બંધ થાય, તેમાં જ સાચી સંસ્કૃતી છે.
    ——————-
    જો કે, આધુનીક નારીઓના વલણ જોતાં આ વીષય બહુ જરીપુરાણો લાગે છે !
    હવે કદાચ પુરુષોની વ્યથાઓનાં કવીત લખવાનો સમય આવી ગયો લાગે છે.

  8. કુણાલ કહે છે:

    છાતીમાં ડાબે પથ્થર જડ્યા જોઈને
    ઈંટની આ દિવાલોય ડઘવાઈ ગઈ

    ખુબ સુંદર રીતે હ્ય્દયના પથ્થરપણાં વિશે વાત કહી હેમંતભાઈ…

    એ મળી સ્વપ્નમાં બસ ઘડીભર અને
    ઉત્સવી ઠાઠમાં રાત ઉજવાઈ ગઈ

    એ ન હોય ત્યારે તો એના વિનાની સ્વપ્નિલ રાતો જ ઉજવાતી હોય છે ને.. !!

    સુંદર અભિવ્યક્તિ…

    આમ જ લખતા રહો….

  9. raeesh maniar કહે છે:

    Nice ghazal. chhand clean, sheriyat excellant. hemantbhai, you have a bright future ahead.
    In last sher, ‘utsavi’ word discoses the kafiya ‘ujvaai’. Try to correct it if you agree.

  10. Devika Dhruva કહે છે:

    વાત એની હતી મારી વાતોમાં પણ
    એ મળી, કે તરત વાત બદલાઈ ગઈ

    અતિ સુંદર

  11. Dipika Mehta કહે છે:

    saras gazal…….Hemantbhai

  12. Parimal Shastri કહે છે:

    ખરેખર ખૂબ જ સરસ રચના છે.
    ‘રાત ઉજવાઈ ગઈ’

    ફરી એકવાર તમારી નવી અપ્રતિમ રચના અમારાથી વંચાઈ ગઈ,
    આંખો ભીની થઈ પણ દિલથી તો દાદ જ અપાઈ ગઈ.

  13. raju piparava કહે છે:

    very very nice, beautiful

  14. digisha sheth parekh કહે છે:

    પત્ની વહુ માના પાત્રોમાં પીસાઈને
    એક સ્ત્રીની હયાતી જ ખરડાઈ ગઈ

    suparb….lakhyu chhe..સ્ત્રીની lagani ne samaji ne lakhyu chhe

  15. Prajakta Shastri કહે છે:

    વાત એની હતી મારી વાતોમાં પણ
    એ મળી, કે તરત વાત બદલાઈ ગઈ

    એ મળી સ્વપ્નમાં બસ ઘડીભર અને
    ઉત્સવી ઠાઠમાં રાત ઉજવાઈ ગઈ
    – बहौत ख़ूब।

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s