રાતનો આખરી પ્રહર

હજી તો પ્રહર રાતનો આખરી છે
બદનમાં જરી થાકની હાજરી છે

નથી ચૈન મનને ન આરામ તનને
નયનમાં પડેલી સપન કાંકરી છે

ઉષાનો તું રંગીન રસથાળ ઢોળી
ખતમકર તિમિરમય નિશા આકરી છે

નજરકર જરા આ કળીના બદનપર
અમે શબનમી જાજમો પાથરી છે

બળી કોણ જાતે જગતને જગાડે
તમસહર થવાની રસમ આકરી છે

ભલે રાત ટકવા કરે ધમપછાડા
તું આવીશ એની મને ખાતરી છે

-હેમંત

Advertisements
This entry was posted in ગઝલ. Bookmark the permalink.

12 Responses to રાતનો આખરી પ્રહર

  1. hemantpunekar કહે છે:

    એકવાર વહેલી સવારે સૂર્યોદય પહેલા જાગી ગયો. બ્રહ્મમૂહુર્તનું એ શાંત વાતાવરણ મનમાં અલગ જ ભાવ જાગૃત કરે છે. હું સૂર્યોદયની રાહ જોતો હતો અને મને લાગ્યું કે આપણે બધા આપણી અંદર જ્ઞાનરૂપી સૂર્યના ઉદયની જ તો રાહ જોઈએ છીએ. જાણે હું અંતર અને બાહ્ય વિશ્વના સૂર્યને કહેતો હતોઃ

    નથી ચૈન મનને ન આરામ તનને
    નયનમાં પડેલી સપન કાંકરી છે

    ભલે રાત ટકવા કરે ધમપછાડા
    તુ આવીશ એની મને ખાતરી છે…

    અને પછી ભુજંગી છંદમાંઆ રચના લખાઈ ગઈ

  2. wafa કહે છે:

    Simply Beaytiful

    carry on

    with regards
    wafa

  3. Jugalkishor કહે છે:

    બહુ જ શક્તિશાળી પંક્તિઓ પાથરી છે દોસ્ત ! અભિનંદન. હવે આ ચાલુ જ રાખજો અને ‘ખાતરી’ કરાવી દેજો કે તમે આવી રહ્યા છો ! સૂર્ય તો નહીં આવે ને ક્યાં જશે ?!

    હા, ઉમાશંકર કહેતા તેમ છેકછાક, ભુંસ-ચેર કરતા રહેજો.. માત્રા ને લય ને એવું બધું હવે પણ ધીમે ધીમે કરવાનુ આવશે …..

  4. Suresh Jani કહે છે:

    રચના નિર્વિવાદ સરસ છે, પણ આને ભુજંગી છંદ ન કહો તો? અક્ષરમેળ છંદ ‘ભુજંગી’ નું બંધારણ છે- ( તે માત્રામેળ છંદ નથી)
    ————–
    ય ય ય ય ,
    ઉદાહરણ –
    ય ના ચાર આવર્તનોથી ભુજંગી,
    પછી શું , પછી શું, પછી શું, પછી શું

    —————-
    એટલે કે લ ગા ગા , લ ગા ગા, લ ગા ગા, લ ગા ગા

    જુગલભાઇ આ શાસ્ત્રના નિષ્ણાત છે, તે કદાચ આની ઉપર વધુ પ્રકાશ પાડી શકશે.

  5. Sangita કહે છે:

    I think, “Parodh” is the most beautiful time of the day and it is described beautifully here.

  6. ઊર્મિસાગર કહે છે:

    ભલે રાત ટકવા કરે ધમપછાડા
    તુ આવીશ એની મને ખાતરી છે.

    very nice creation… congrats!!

  7. Sarjeet કહે છે:

    છંદમાં ખાસ ખ્યાલ નહિ આવે પણ અર્થ બહુ સરસ છે એટલે આ કવિતા ગમી ગઇ.

  8. Mehul Chauhan કહે છે:

    Dear Hemantbhai, It is really a nice creation……..
    I do not know much about the chand and all but yes what i can say that it is really describing the feelings well.
    Carry on…
    Regards,
    Mehul Chauhan

  9. Chetan Framewala કહે છે:

    very nice gazal.
    keep it up,
    jay gurjari,
    chetan framewala

  10. Neela Kadakia કહે છે:

    બહોત ખૂબ
    ક્યા બાત હૈ

  11. wafa કહે છે:

    આને ભુજંગી નહી પણ મુતકારિબ છંદ કહી શકાય.ભુજંગીમા ગણની પાબન્દી છે.રદીફ કાફિયાની
    નહીં.
    વફા

  12. wafa કહે છે:

    આને મુતકારિબ છંદ કહેવાય.ભુજંગીમાં ગણની પાબંદી ચે
    જ્યારે મુતકારિબમાં રદીએફ ,કાફિયાની. મુતકારિબ(12અક્ષરી)
    લગાગા,લગાગા,લગાગા.લગાગા
    વફા

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s