મૃગજળ

સ્હેજ ઝાંખુ આંખનું કાજળ થયું
ઓર ઘેરું આભનું વાદળ થયું

ચાંદમાં બોળી કલમ ઝટકી જરા
તારલાથી આભ જો ઝળહળ થયું

ચાંદતારા પ્રેમમાં અક્ષર થયાં
શ્યામ નભ મુજ પત્રનો કાગળ થયું

રાત પવને પુષ્પને ચુંબન કર્યું
જો સુગંધી શર્મનું ઝાકળ થયું

મેં ગુલાબી સ્વપ્ન જ્યાં વાવ્યું હતું
કોણ જાણે કેમ ત્યાં બાવળ થયું

હું ગુમાવી આશને બેઠો હતો
ત્યાં નદીનું જળ ફરી ખળખળ થયું

મેં ધરાને માપવા દોડ્યાં કર્યું
જે ગયું પાછળ ફરી આગળ થયું

વાર ઈચ્છાનો કર્યો મેં શૂન્ય પર
શૂન્ય ભાંગ્યું સ્થળ થયું પળપળ થયું

આંખના આ જળ સુકાયા જ્યાં જરા
ત્યાં ક્ષિતિજપર જો ફરી મૃગજળ થયું

-હેમંત

Advertisements
This entry was posted in ગઝલ. Bookmark the permalink.

15 Responses to મૃગજળ

  1. hemantpunekar કહે છે:

    સાંખ્ય વિચારધારામાં વિશ્વ ઉત્પત્તિનું સરસ વર્ણન છે. જગતની શરૂઆત એક સ્ફોટમાંથી થઈ હતી, જે બિન્દુવિસ્ફોટ અથવા કામવિસ્ફોટના નામે ઓળખાય છે. બિન્દુવિસ્ફોટ એટલા માટે કે આખું સાકાર વિશ્વ નિરાકાર શૂન્યમાંથી ઉત્પન્ન થયું. નિરાકાર બ્રહ્મમાં સાકાર થવાની ઈચ્છા (“કામ”) થઈ માટે એ કામવિસ્ફોટ તરીકે પણ ઓળખાય છે. ભૌતિક વિજ્ઞાન પ્રમાણે big-bang (મહા-વિસ્ફોટ) ને કારણે જ space-time એટલે કે આ વિશ્વનું નિર્માણ થયું. સાંખ્ય તત્વજ્ઞાન અને ભૌતિક વિજ્ઞાનનું સરખાપણું ખરેખર વિસ્મયકારક છે.

    આ વાત ઉપર એક શેર સુઝ્યો અને એક ગઝલ લખાઈ ગઈ

  2. UrmiSaagar કહે છે:

    ચાંદમાં બોળી કલમ ઝટકી જરા
    તારલાથી આભ જો ઝળહળ થયું

    વાર ઈચ્છાનો કર્યો મેં શૂન્ય પર
    શૂન્ય ભાંગ્યું સ્થળ થયું, પળપળ થયું

    આ શેરો વધુ ગમ્યાં…. સુંદર ગઝલ!

  3. Mohammedali Bhaidu'wafa' કહે છે:

    ભાઈ શ્રીહેમઁત પુણેકર
    ધન્યવાદ,સુઁદર ગઝલ છે.વજનની જાણવણી સારી કરીછે. નીચેના શેરમા લાલ ચિન્હ વાળો સુધારો
    હોયતો છૂટનો પ્રશ્ન નથી.સુધારો જરુરી સમજ્તો નથી.
    આપનો
    ’વફા’
    રાત પવને પુષ્પને ચુંબન કર્યું
    જો સુગંધી શર્મ તણુઁ ઝાકળ થયું કર્યું

    ગાલગાગા,ગાલગાગા, ગાલગા)
    (ફાઇલાતુન્ ,ફાઇલાતુન્, ફાઇલુન)

    છન્દ:રમલ છઁદ (11 અક્ષરી)

  4. Sangita કહે છે:

    ચાંદમાં બોળી કલમ ઝટકી જરા
    તારલાથી આભ જો ઝળહળ થયું

    રાત પવને પુષ્પને ચુંબન કર્યું
    જો સુગંધી શર્મનું ઝાકળ થયું

    Very beautiful imagination and nice expression!

  5. Suresh Jani કહે છે:

    બહુ જ સરસ

  6. shivshiva કહે છે:

    હેમંતભાઈ
    આપની કલમમાંથી નીકળેલી વાણી સુંદર છે.
    એક વાત કહું ? શા માટે હંમેશા નિરાશાવાદી રહીયે?

    ચાંદમાં બોળી કલમ ઝટકી જરા
    તારલાથી આભ જો ઝળહળ થયું

    વચ્ચે આશાવાદી પૂરવાર થાઓ છો.

  7. Himanshu કહે છે:

    મેં ધરાને માપવા દોડ્યાં કર્યું
    જે ગયું પાછળ ફરી આગળ થયું

    વાર ઈચ્છાનો કર્યો મેં શૂન્ય પર
    શૂન્ય ભાંગ્યું સ્થળ થયું પળપળ થયું

    આંખના આ જળ સુકાયા જ્યાં જરા
    ત્યાં ક્ષિતિજપર જો ફરી મૃગજળ થયું

    Nice job Hemant. – Duniya gol hei – in a poetic way 😉

  8. Jugalkishor કહે છે:

    ‘સુગંધી શર્મ’માં ઈન્દ્રીયવ્યત્યય પણ કરી આપ્યો તમે,
    હેમંતભાઈ ! તમે ડૉ.વિવેકની જેમ ઝટકો આપી ગયા ! તમે સરસ શબ્દ પ્રયોજ્યા છે જે ભાવને સરળતાથી પ્રગટ કરે છે.

    ફક્ત નાન્યતર જાતિને કૃત્રિમ રીતે પ્રયોજવાનું કઠે
    છે.કાગળ અને બાવળને નરજાતિમાં રાખી શકાયા નથી. “મુજ પત્રનો કાગળ થયું” એમ થઈ શકે પણ
    બાવળને એમ નહીં કરી શકાય.
    બળવાન પ્રયાસ છે.
    અભિનંદન.જુ.

  9. Mehul Chauhan કહે છે:

    Dear hemant bhai,
    You have really created a perfect creation. kharekhar bahu sunder gazal lakhi che….
    badha ee lakhyu ke aa pankti mane gami, aa vadhare gami, pen khaekhar to darek pankti ni potani aak alag j suvas lagi..
    kyak tame ” shrungar ras” ne vajan aap yu che ane kyak tame kavita nu je “stimulie” che tene mahatva aapyu che…Eeetle darek pankti ame sunder lagi…Abinandan ane haa gazal ma vajan aakhi gazal ma baraber varnvit thayu
    che.. keep it up ane have baroda aavo to jaroor thi maljo.

    and also tell me how to put commet in gujarati,
    mane nathi gamtu gujarati muki ne hu english ma comment lakhu..

    regards,
    mehul

  10. oho……….wonderful creation hemantbhai .

    મેં ધરાને માપવા દોડ્યા કર્યું
    જે ગયું પાછળ ફરી આગળ થયું

  11. અમી કહે છે:

    આખી રચના જ ખુબ સરસ છે. પણ,

    ચાંદમાં બોળી કલમ ઝટકી જરા,
    તારલાથી આભ જો ઝળહળ થયું

    વધારે ગમી ગઈ. ખુબ જ સરસ કલ્પના કરી છે.

    આજે પ્રથમ વાર જ તમારા બ્લોગની મુલાકાત લીધી પણ નિયમિત મુલાકાતી થઈ જઈશ.

    ખુબ ખુબ અભિનંદન.

  12. sagarika કહે છે:

    ચાંદમાં બોળી કલમ ઝટકી જરા
    તારલાથી આભ જો ઝળહળ થયું

    મેં ગુલાબી સ્વપ્ન જ્યાં વાવ્યું હતું
    કોણ જાણે કેમ ત્યાં બાવળ થયું

    nice gazal.

  13. raju piparava કહે છે:

    Dear Hemantbhai

    હું ગુમાવી આશને બેઠો હતો
    ત્યાં નદીનું જળ ફરી ખળખળ થયું

    મેં ધરાને માપવા દોડ્યાં કર્યું
    જે ગયું પાછળ ફરી આગળ થયું

    this is really very nice

  14. Prajakta Shastri કહે છે:

    રાત પવને પુષ્પને ચુંબન કર્યું
    જો સુગંધી શર્મનું ઝાકળ થયું-
    Best

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s