અમારા જગતનો બજારી સબબ છે
તમોને તરસ છે અમારી પરબ છે
નજરમાં બધાના હવસનો ઇજારો
તમારી ગરજ છે અમારો કસબ છે
ન ખૂટે કદીપણ ઘરાકો અમારા
બુઝી ના બુઝાશે શરીરી તલબ છે
કરી શાંત સૌની અગનને છતાંપણ
ન દે માન દુનિયા નઠારી ગજબ છે
ઘરે સ્ત્રી જનેતા અહીં એ તવાયફ
શરીફો તમારી શરાફત અજબ છે
ફસાવી અમોને તમાશો જુએ સૌ
અમારી ન દુનિયા અમારો ન રબ છે
-હેમંત
Wah,Sharifo Tamari Sharafat Ajab chhe.
હેમંતભાઈ,
તમે તો અજબની વાત અજબ રીતે મુકી છે. કેવો નાજુક વીષય, કેટલી સાલસતાથી મુક્યો છે ! તમે આમાં માનસશાસ્ત્ર, સમાજશાસ્ત્ર, શરીરશાસ્ત્ર, વ્યવસાયશાસ્ત્ર અરે, ગઝલશાસ્ત્ર પણ ગજબની રીતે વણી લીધું છે !! કેટલી સરસ માપસરની પંક્તીઓ સાથે રચના આપી છે !
તરસ સાથે પરબને; જગત-ઈશ્વરને ( દુનીયા-રબ) તમે બહુ તાકાતથી મુક્યાં છે. ઉપરાંત શરીરી તલબ, નઠારી દુનીયા, બજારી સબબ, શરાફી શરાફત વગેરે શબ્દોની યોજના દાદ માગી લે એવી છે. તમને ખુબ ખુબ અભીનંદન !! આવી જ રચનાઓ આપતા રહો.