ભૂલ કર
November 18, 2007 at 3:38 pm | In ગઝલ | 24 Commentsમયભરી મદમસ્ત આંખો છે, શરાબી ભૂલ કર
એના હોઠોને અડીને એક ગુલાબી ભૂલ કર
સરહદો પાંપણની તોડી, એ વસી ગઈ સ્વપ્નમાં
જો, પહેલ એણે કરી, તું બસ જવાબી ભૂલ કર
ભૂલ બુજદિલ આગિયા જેવી તો પકડાઈ જશે
જા, તું ખૂલ્લેઆમ જઈને આફતાબી ભૂલ કર
ચહેરો દેખાડી અરીસો રોજ રંજાડે તને
તું પણ એને છળ કદી, જા, એક નકાબી ભૂલ કર
ઉરમાં ઈચ્છાઓને જણતું એક ધબકતું યંત્ર છે
એના તાબે ના થવાની ઇન્કિલાબી ભૂલ કર
-હેમંત
24 Comments »
RSS feed for comments on this post. TrackBack URI
Leave a comment
Blog at WordPress.com. | Theme: Pool by Borja Fernandez.
Entries and comments feeds.
સમાજે માણસ પર લાદેલા ઘણા નિયમો ઉપકારક છે પણ બધા જ નહીં. અમુક નિયમો શા માટે છે, મને ક્યારેય સમજાયું નથી. શા માટે માણસે હંમેશા સ્થાપિત નિયમોમાં બંધાઈને જ જીવ્યા કરવાનું? આ કરવાનું ને પેલું નહી કરવાનું. ક્યારેક મારું મન બંડ પોકારીને મને કહે છે બધા નિયમ ગયા ખાડામાં, જા ભૂલ કર!
છંદ રસિક મિત્રો માટેઃ ગાલગાગા ગાલગાગા ગાલગાગા ગાલગા રમલ ૨૬ છંદ વાપર્યો છે.
Comment by hemantpunekar — November 18, 2007 #
ગુલાબી ભુલ; જવાબવા માટેની ભુલ; આફતાબી-નકાબી અને ઈંન્કીલાબી એવી આ બધી કાવ્યમય ભુલો એવી બતાવી દીધી છે કે એને ‘ભુલ’ કહેવાનીય ભુલ કોણ કરશે ?!!!
આવી ભુલો કર્યાં જ કરો, કવીરાજ ! એ બહાનેય ઉત્તમ રચનાઓ સર્જાઈ જવાની ભુલ થઈ જશે તો એનુંય સુખ ભાવકોને મળતું રહેશે !
Comment by jugalkishor — November 18, 2007 #
ગુલાબી/આફતાબી/ઇન્કિલાબી ભૂલ તો ફક્ત પ્રેમમાં જ થઇ શકે!
સરસ રચના!
Comment by વિનય ખત્રી — November 18, 2007 #
સુંદર ગઝલ..દરેક શે‘ર દમદાર છે.કાફિયાનો સુંદર વિનિયોગ.
Comment by SUNIL SHAH — November 18, 2007 #
નાના નાના કાંકરાઓ અમથા અમથા ફેંક નહિ.
મૂક મોટો પહાડ શિરપર, વ્યાજબી તું ભૂલ કર.
હેમંતભાઈ,
મોટો પહાડ તમે આજે ઊંચકીને માથે મૂકી દીધો.
કોઈ દબાઈ ના જાય એની તકેદારી પણ રાખી;
કેડમાં બાળકને લઈને ફરતા હોઈએ એમ લાગે.
‘આનંદી’ શકાય એવી રચના થઈ છે.
અભિનંદન!
Comment by Shah Pravinchandra Kasturchand — November 18, 2007 #
Beaytiful Gazal.
Bhool se bhi ho jatihai bhool kabhi
Apne to jan boozh kar karli hai bhool.
so Bhool mubarak
Comment by wafa — November 18, 2007 #
જાણી જોઇને કરેલી ભૂલની કવિતા બહુ ગમે તેવી છે.
સરસ!
Comment by Sangita — November 19, 2007 #
સરહદો પાંપણની તોડી, એ વસી ગઈ સ્વપ્નમાં
જો, પહેલ એણે કરી, તું બસ જવાબી ભૂલ કર
ચહેરો દેખાડી અરીસો રોજ રંજાડે તને
તું પણ એને છળ કદી, જા, એક નકાબી ભૂલ કર
યે બાત હૈ…
Comment by Gunjan Gandhi — November 19, 2007 #
Superb.Hemantbhai.Very very Romantic.Love it.
Comment by sush — November 19, 2007 #
Waah Hemant bhai waah…
ઉરમાં ઈચ્છાઓને જણતું એક ધબકતું યંત્ર છે
એના તાબે ના થવાની ઇન્કિલાબી ભૂલ કર
Bahu saras..che …aa pankti…tu eek iinkalabi bhool kar…
But i will say you delibrately do that mistake…and win
Mehul Chauhan
Comment by Mehul — November 19, 2007 #
exellent ………………………
સ્થાપિત નિયમો સાથે ઘણા લોકોનું હિત સંકળાયેલું હોય છે………આવા લોકોનાને સમાજ્શાસ્ત્રની પરિભાષામાં ” સ્થાપિતહિતો” કહે છે………….ચુંટણી નજીક છે સ્થાપિતહિતો કામે લાગી ગયા છે………….નવા વરસના શુભકામનાઓ ……………..અરીસાના રંજાડ વાળી વાત સ્પર્શી ગઈ
Comment by naraj — November 19, 2007 #
Good ghazal. All shers aregood.
Comment by raeesh maniar — November 19, 2007 #
ખૂબ સુંદર..
Comment by Niraj — November 19, 2007 #
વાહ મજા આવી ગઈ હેમંત! ખૂબ જ સુંદર ગઝલ થઈ છે… અને બધા જ શેર મસ્ત છે!
Comment by ઊર્મિ — November 19, 2007 #
સુંદર રચના
Comment by shivshiva — November 20, 2007 #
સરહદો પાંપણની તોડી, એ વસી ગઈ સ્વપ્નમાં
જો, પહેલ એણે કરી, તું બસ જવાબી ભૂલ કર
સુંદર….હેમંતભાઇ….બહોત ખુબ…
Comment by Devika Dhruva — November 21, 2007 #
સરહદો પાંપણની તોડી, એ વસી ગઈ સ્વપ્નમાં
જો, પહેલ એણે કરી, તું બસ જવાબી ભૂલ કર
saras gazal
Comment by KAVI — November 22, 2007 #
khub sundar rachna chhe. enjoyed..
Comment by Parimal — November 30, 2007 #
શબ્દની આ રંગલીલા, ને વસંતી વાયરે
ઓ કવિ તું કાવ્ય રચવાની જરાસી ભુલ કર
સરસ… મજા પડી
લતા હિરાણી
Comment by readsetu — December 13, 2007 #
pratibhav aapvani ek vyajabi bhul hu pan kari j lau chhu
aavi bhulo ame karta j rahiye
saras gazal
wishing u happy new year
Comment by Pinki — January 3, 2008 #
આવી સુંદર ભૂલો લઈને ૧૯.૧.૨૦૦૮ ,શનિવારના દિને ભૂલથી મુબઈમાં ભૂલા પડો ને !!!!!
DHABKAR NI MEETING MAA
જય ગુર્જરી,
ચેતન ફ્રેમવાલા
Comment by Chetan Framewala — January 3, 2008 #
સુંદર રચના…
સરહદો પાંપણની તોડી, એ વસી ગઈ સ્વપ્નમાં
જો, પહેલ એણે કરી, તું બસ જવાબી ભૂલ કર
ઉરમાં ઈચ્છાઓને જણતું એક ધબકતું યંત્ર છે
એના તાબે ના થવાની ઇન્કિલાબી ભૂલ કર
- આ બંને શેર ખૂબ ગમ્યા… પણ આ છેલ્લા શેરમાં નજીવો હકીકતદોષ જણાય છે… ઉર અને હૃદય -બંનેને અલગ ગણ્યા છે? હૃદયને ઉરની અંદરનો ભાગ ગણી શકાય? અને ઈચ્છાઓ હૃદયમાં જન્મે કે ઉરમાં?
જેમ મન અને મગજની વચ્ચે તાત્વિક ફરક છે એવો જ ફરક દિલ અને હૃદયની વચ્ચે હોય છે. મગજ અને હૃદયનું એનાટોમિકલ અસ્તિત્વ છે જ્યારે મન અને દિલ એ શરીરની એનેટોમીની બહાર અસ્તિત્વ ધરાવે છે. મને લાગે છે કે અહીં પણ દિલ અને હૃદયની વચ્ચેની સૂક્ષ્મ વિભાવનાનો પ્રયોગ કરવામાં આવ્યો છે પણ થોડી સેળભેળ થઈ ગઈ જણાય છે…
આ બધી વાહવાહીની બહાર જઈને વાત કરું તો વાંધો નથી ને, હેમંતભાઈ?
Comment by વિવેક ટેલર — January 4, 2008 #
saras rachna
Comment by nirav — March 27, 2008 #
તું પણ એને છળ કદી, જા, એક નકાબી ભૂલ કર
આ સાની મીસરામાં થોડાક સુધારાની જરુર જણાય છે. આ સાની મીસરામાં થોડાક સુધારાની જરુર જણાય છે. તું પણ એને ના બદલે તું એને
પણ કરવાથી ભુલ સુધરી શકે છે.
Comment by Abhijeet Pandya — January 19, 2009 #