હવે એનો સહારો છે
May 20, 2007 at 10:28 pm | In ગઝલ | 12 Commentsન આવો જાતને લઇને અહીં એનો ઇજારો છે
ફરકતા પાંદડામાં પણ જુઓ એનો ઇશારો છે
અમે ખાધું પચાવે છે,અમે ઊંઘ્યાં જગાડે છે
અમોને પ્રેમ કરવાના અલગ એના પ્રકારો છે
અમે જોયા વગર એને કર્યો છે પ્રેમ,બાકી આ
જગતમાં ચામડીને પ્રેમ કરનારા ચમારો છે
ફકીરીની ખુમારી છે ફિકર મટતી બીમારી છે
ધખાવી પ્રેમની ધૂણી બધો એનો ધખારો છે
નથી ગ્રંથો નથી પંથો બધું છોડી અમે ચાલ્યા
હૃદયમાં રામ બેઠો છે હવે એનો સહારો છે
-હેમંત
12 Comments »
RSS feed for comments on this post. TrackBack URI
Leave a comment
Blog at WordPress.com. | Theme: Pool by Borja Fernandez.
Entries and comments feeds.
તત્વજ્ઞાન મારો પ્રિય વિષય. વાંચ્યાં કરું એટલે પ્રશ્નો પડ્યાં કરે. જીવનમાં ઘણી બધી ઘટનાઓ પહેલી નજરમાં યોગાનુયોગ જેવી લાગતી હોય છે પણ મને હંમેશા એમ લાગતું કે ઈશ્વર મને મદદ કરે છે, મારા પ્રશ્નોના જવાબ આપે છે, મારી સાથે મજાક કરે છે વગેરે વગેરે. એકવખત આવા ઘણા બધા પ્રશ્નો ભેગાં થઈ ગયા હતાં. મેં મારી પત્નીને પણ કહ્યું કે ઘણા બધા પ્રશ્નો છે અને જવાબ આપવા માટે કોઈ નથી. અને એ જ રાતે મારા એક મિત્રનો ફોન આવ્યો. એણે કહ્યું કે મારા ગુરુ પુણે આવ્યાં છે તો તું જઈને મળી આવ. વધુ એક યોગાનુયોગ. પ્રશ્નો છે બસ એટલું જ સ્વીકાર્યું છે અને જવાબ તૈયાર છે.
એમનું નામ ડૉક્ટરકાકા. ૭૦ની ઉંમર. સાદા સંસારીના કપડાં પણ ચહેરા પર પ્રસન્નતા અને અસ્તિત્વમાં વણાઈ ગયેલી મઘમઘતી શાંતિ.
એમને મળવા ગયો અને આ પ્રશ્ન પૂછ્યો, એટલે એમણે મને સામો પ્રશ્ન પૂછ્યો કે તને શું લાગે છે ઈશ્વર એટલે શું? એમ સમજી લે કે આ ઓરડામાં બે નહી ત્રણ લોકો બેઠા છે. બસ એ ત્રીજો દેખાતો નથી, પણ એ છે. એ બધુ સાંભળી શકે છે. બોલાયેલું પણ અને ન બોલાયેલું પણ. એ તારી મદદ કરવા તત્પર બેઠો છે. જો તું સચ્ચાઈથી પ્રશ્ન પુછીશ તો એ જવાબ જરૂર આપશે. તારી મદદ કરશે. તારી સાથે મજાક કરશે.
અને ઈર્શાદ કહે છે તેમ આપણે તો ઈશ્વરને નામે વાણી. એ દિવસથી શ્રદ્ધા ઓર દ્રઢ થઈ કે રામ આપણી સાથે જ છે. ભગવદગીતા કહે છે તેમ આપણા હૃદયમાં બેઠો છે અને હવે એનો સહારો છે.
રામનવમી નિમિત્તે રામને મારા તરફથી આ ગઝલની ભેંટ આપવાની ગુસ્તાખી કરું છું.
Comment by hemantpunekar — May 22, 2007 #
I am not a poet and do not know how to type here in Gujarati, but here
are two lines for your poem:
Kavio ane kavitao ahin hazaro chhe
pan anokho lajavaw aandaz tamaro chhe
Comment by Frequent reader — May 22, 2007 #
ફરકતા પાંદડામાં પન જુઓ એનો ઇશારો છે.
ખૂબ સરસ.અભિનન્દન
Comment by nilam doshi — May 22, 2007 #
very good…congrats..!
Comment by chetu — May 22, 2007 #
ખુબ સુંદર રચના…
Comment by ઊર્મિસાગર — May 22, 2007 #
ભાઈ શ્રી હેમંતભાઈ
કૂશળ હશો.
સુંદર ગઝલ
છે.લગાગાગા,લગાગાગા, લગાગાગા,લગાગાગા,(હઝજ
છંદ16 અક્ષરી)ને ન્યાય કર્યો છે.આપની ગઝલ ઈશ્કે હકીકી તરફ પ્રયાણ કરેછે.આનંદ થયો.
’ઝાર’રાંદેરી સાહેબના તમામ છંદોના વિવરણ માટે બઝમે વફામાં નીચેના Url પર click કરી કૉપી કરી
,પ્રિંટ બનાવીલો.હું પણ મહદ અંશે એ પુસ્તિકાથી ફાયદો ઉઠાવું છું. ગઝલ ગુર્જરી,ગઝલ
ગુજરાતીમાં અનુક્ર્મે શ્રી રઈશ મનિયાર અને શ્રી આશિત હૈદ્રાબાદી એ પણ સરસ છંદ સમજુતિ આપેલ
છે.
આપનો ’વફા’
Comment by wafa — May 22, 2007 #
તમારી વાણીમાં કઈંક તો જરૂર છે.
Comment by Neela Kadakia — May 22, 2007 #
Very real and original creation…
Congrates..,………
Comment by Mehul Chauhan — May 22, 2007 #
સાચે જ સાદ્યંત સુંદર ગઝલ…
છંદજાળવણી પણ સરસ છે…
Comment by વિવેક — May 22, 2007 #
હેમંતભાઈ,
જેમ વફા સાહેબે કહ્યું તેમ “ઇશ્ક-એ-હકીકી” ને અને
ઈશ્વરભકિતમાં રહેલી અનેરી ખુમારીને પ્રદર્શિત કરતી આ ગઝલ ખરેખર ખુબ સુંદર છે…
અભિનંદન….
Comment by Kunal Parekh — May 22, 2007 #
I like this ghazal a lot. good job Hemant!
Comment by Himanshu Bhatt — May 22, 2007 #
Veri Nice Wording…
Comment by Dinesh Gajjar — May 22, 2007 #